Arlen Hasanaj, 34-vjeçari i arrestuar, i cili akuzohet se ka vendosur tritolin në derën e shtëpisë së kreut të Federatës Shqiptare të Futbollit, Armand Duka ëshët filmuar në një qendër tregtare vetëm 30 minuta para se të ndodhte ngjarja.
Pamjet e transmetuara nga ReportTV tregojnë Hasanajn duke bërë blerje në qendrën tregtare “Megatek”, që ndodhet në autostradën Tiranë-Durrës.
Pamjet filmike të kamerave të sigurisë së kësaj qendre tregtare demonstrojnë se i akuzuari për tritolin ka qenë në orën 21:40 duke bërë blerje.
Ndërsa tritoli ka shpërthyer në në orën 22:10. Mbetet për tu përllogaritur nga grupi që ka në dorë çështjen dhe po e heton atë nëse 30 minuta mjaftojnë që të mbarosh blerjet në një qendër tregtare, të përshkosh rrugën drejt Durrësit e në orën 22:10 të gjendesh në dyert e shtëpisë së Dukës me tritolin në duar./m.j
