Një ditë pas publikimit të videos kur drejtuesi i një mjeti X5 shante rëndë policin pas një debati për gjobë, policia e Kukësit sqaron ngjarjen, duke thënë se autori është identifikuar dhe shpallur në kërkim.
“E.T., 25 vjeç, banues në fshatin Morin, Kukës po kërkohet pasi ka fyer e kundërshtuar me dhunë punonjësin e policisë, pas një gjobe, për parkim të gabuar”- njofton policia.
Video e sherrit
Një ngjarje aspak e këndshme ka ndodhur në qendër të qytetit të Kukësit, ku dy kuksianë kanë dhunuar dhe kërcënuar një polic rrugor, pasi ky i fundit ka tentuar t’ju vendosë gjobë për bllokim rruge automjetit të tyre BMW X5, shkruan “Jeta Osh Qejf”.
Menjëherë pasi shikojnë policin rrugor, dy të rinjtë kuksianë afrohen pranë policit dhe duke e prekur dhe shtyrë me duar, ata e kanë kërcënuar që të mos vendosë gjobë, ndryshe do i ketë punët keq.
Situata është tensionuar aq sa ka degraduar në sharje të rënda në mes të rrugës, ndërsa polici rrugor thjesht u ka thënë që do iu vendosë gjobë për bllokim rruge dhe në fund është larguar.
Ndërsa njëri nga djemtë duke e shtyrë i ka kërkuar të heqë uniformën e punës dhe të përballet me të ndryshe duke e shoqëruar këtë kërkesë me sharje.
