Një tjetër objekt është shembur me shpërthim të kontrolluar nga Inspektoriati Kombëtar i Mbrojtjes së Territorit në zonën e “Ujit të Ftohtë” në Vlorë.
Bëhet fjalë për një ndërtesë 5 katëshe, e cila ishte kthyer në një pengesë për zbatimin e projektit që lidh unazën e re të qytetit me Lungomaren. Mësohet se është përdorur një sasi prej 15 kg lëndë eksplozivi i vendosur në rreth 500 vrima të të gjithë ndërtesës çka bëri të mundur edhe shpërthimin e ndërtesës.
