Populli kilian kërkon lirimin e tij, por Kupa Amerikës duhet të ketë përfunduar për Arturo Vidal. Pas aksidentit me Ferrarin e tij, me mesfushorin që ka qenë i dehur në timon, kampioni kilian është çuar në gjykatë, jashtë së cilës janë grumbulluar dhjetëra tifozë për të kërkuar lirimin e tij.
Por, trajneri Sampaoli, është takuar me drejtuesit e federatës: rregullorja e brendshme parashikon përjashtimin për sjellje që dëmtojnë imazhin e vendit.
Arturo Vidal është arrestuar nga policia kiliane, pasi ka shkatërruar makinën e tij Ferrari në një aksident rrugor, ku ai ishte në gjendje të dehur. Ylli i Juventusit ka ngulur këmbë se nuk ishte ai fajtor për aksidentin e ndodhur në orët e vona të së martës, ku u shkatërrua totalisht makina sportive me vlerë 320 mijë euro.
