Për të shmangur të gjitha supozimet për ndërhyrje estetike dhe për shkak të kërkesave të shumta në rrjetet sociale, Victoria Beckham ka dashur të sqarojë nëse ka bërë ndonjë operacion apo jo.
Gjatë episodit të ‘Today With Hoda & Jenna’, dje, ajo ka insistuar edhe njëherë se nuk e ka bërë kurrë operacion hundën, pavarësisht se shumë ndjekës e pyesin edhe sot për këtë.
“Shumë njerëz më kanë thënë në të kaluarën se kam bërë një lloj operacioni në hundë… Asnjëherë, kurrë, kurrë, kurrë nuk kam bërë asgjë. Jo, kurrë,” tha ajo.
Anëtarja e Spice Girls justifikon perfeksionin e hundës me “konturimin e zgjuar” që bën vetë. Në disa raste, Victoria ka treguar truket e saj dhe ka publikuar video tutoriale në rrjetet e saj sociale.
