Anëtarë të një komisioni vëzhgimi të Bashkimit Evropian pritet që në muajin shkurt 2016 të zhvillojnë një takim me krerët më të lartë të Prokurorisë së Përgjithshme, ku do të njihen me ecurinë e luftës kundër korrupsionit që ka bërë zyra e prokurorit të përgjithshëm, shkruan Shqiptarja.com.
Takimi pritet të zhvillohet në ambientet e prokurorisë, ku anëtarët e këtij komisioni do të njihen me statistikat e prokurorisë në luftën kundër korrupsionit, krimit të organizuar dhe me rezultat e çështjeve të tjera më specifike, që gjatë vitit 2015 mediat kanë shkruar më tepër.
Bëhet fjalë për çështje si ajo e 21 janarit, çështja me ish-guvernatorit Fullani dhe çështje të tjera. Burimet nga prokuroria sqaruan se për këtë takim është përpiluar një raport informues, por nuk ka asnjë dosje penale që do i jepet këtij komisioni vëzhgimi. “Anëtarët e komisionit të vëzhgimit, mund të bëjnë pyetje për çështje specifike ku mund të kërkojnë informacion mbi rezultatin se si ka ecur dosja gjatë fazës së hetimit dhe gjykimit, por jo tu vihet në dispozicion atyre dosja e plotë”, tha një burim nga prokuroria për gazetën.
shqiptarja.com
