Nga dita e sotme, të gjithë qytetarët duhet të mbajnë maskë në të gjitha ambientete jashtë shtëpisë.
Kryesisht qytetarët janë të pajisur me maska teksa ecin në rrugët e qyteteve. Disa prej tyre mbulojnë vetëm gojën, por jo hundën. Ndërkohë, qytetarët ankohen se është pamundur që maskat të mbahen gjatë gjithë ditës dhe në çdo ambien. Ka edhe qytetarët të pabindur të cilët janë shfaqur pa maska dhe para kamerave janë justifikuar se nuk janë informuar për këtë vendim të ri të qeverisë.
Në Lezhë pjesa më e madhe e qytetarëve janë parë duke lëvizur me maska, por nuk mungojnë dhe ata që e kane injoruar vendimin duke mos vendosur maskën.
Ndërkohë ndërgjegjësim ka patur edhe tek bizneset dhe institucionet private.
Vendimi për mbajtjen me detyrim të maskave duket se ka ndërgjegjësuar qytetarët e Fierit. Nga pamje të siguruara nga Report Tv, shohim që shumica e qytetarëve e respektojnë maskën.
Madje një prej tyre shprehet se ky është një vendim shumë i mirë nga ana e qeverisë.
Edhe në qytetin e Shkodrës vihet re një përdorim masiv i maskave.
Qytetarët janë të shumtë në rrugë si dhe në tregje ushqimore. Gjithashtu janë parë edhe disa qytetarë që nuk e kanë respektuar këtë vendim.
Pavarësisht se ka hyrë në fuqi vendimi për mbajtjen e maskave, shumë qytetarë në kryeqytet nuk e kanë respektuar.
Ja disa prej rasteve ku nuk është respektuar ky rregull. Por, ka edhe nga ata që shprehen se nuk janë informuar për këtë vendim të qeverisë.
g.kosovari
