Gjysmë orë pas nisjes së protestës, kanë mbërritur kreu demokrat Lulzim Basha dhe deputeti Edi Paloka. Ky i fundit ka nisur fjalën para protestuesve duke thënë se ‘nuk mund të pranojmë një regjim po aq i dhunshëm sa ai i diktaturës, ta drejtojë vendin’.
***
Ka nisur protesta e opozitës para Kuvendit, ndërsa një grup prej tyre kanë nisur të qëllojnë në drejtim të policisë me vezë dhe domate. Thirrjet e pjesmarrësve lidhen me rrëzimin e qeverisë ndërsa janë artikuluar parrulla ‘Azem ti je gjallë’ dhe ‘Rama do të varim në litar’.
Ndërkohë kreu i demokratëve dhe deputetët nuk kanë mbërritur ende pranë tubuesve. Këta të fundit raportohet se kanë nisur të qëllojnë edhe me gurë e miell në drejtim të Kuvendit.
***
Mbështetës të opozitës janë mbledhur pranë Kuvendit të Shqipërisë, ndërsa në duar mbajnë vezë, patate dhe bilbila. Ndërkohë, një grup i deputetëve demokratë kanë hyrë në sallë, ndërsa deputetët e mazhorancës kanë përdorur hyrjen përbri nga krahu i ‘Pedonales’.
Ndërkohë, para hyrjes në Kuvend, ministri i Brendshëm Saimir Tahiri ka inspektuar nga afër masat e policisë. Mësohet se protesusit pritet të qëllojnë me vezë dhe patate në drejtim të godinës së Kuvendit, ndërsa faktori ndërkombëtar prej kohësh ka këshilluar që skenarë të dhunshëm të mos përsëriten më.
