Veturën e parë hibride në botë, Armstrong Phaeton nga viti 1896, e ka zhvilluar Harry E. Dey dhe është ndërtuar nga kompania “Armstrong Company” për kompaninë “Roger Mechanical Carriage Company”. Armstrong Phaeton posedon motorin benzinë 6.5-litër, dy-cilindërsh dhe një dinamo të lidhur me një bateri. Dinamoja (dhe frenat rigjenerative) shërben për të mbushur baterinë dhe përdoret për të startuar motorin. Përveç se ndihmon për të mbushur baterinë dhe për të startuar veturën, dinamoja gjithashtu shërben edhe për dritat.
Dey po ashtu ka vendosur edhe një marsh gjysmë-automatik për këtë veturë. Ky marsh ka tre shpejtësi për ecje para dhe një shpejtësi për ecje prapa. Kur ndërrohen shpejtësitë, koplungu elektrik në mënyrë automatike i ndan shpejtësitë kështu që kjo veturë nuk ka pasur nevojë për pedalen e koplungut. Armstrong Phaeton do të dalë në shtëpinë e ankandit “Amelia Island Concours d’Elegance” më 10 mars. Pritet të shitet dikur mes 175 deri 275 mijë dollarë. Ajo çfarë është mbresëlënëse është se kjo veturë është në gjendje të mrekullueshme dhe punon shumë mirë.
Arsmtrong ka ndërtuar vetëm në një kopje të këtij modeli. Edhe pse është përdorur rregullisht, kjo veturë ka mbetur në objektin Bridgeport të Armstrongut deri në vitin 1963, kur një punëtor e zhvendosi veturën e dëmtuar në garazhin e tij në shtëpi, transmeton Koha.net. Nga atëherë, një njeri i quajtur Dennis David e dërgoi këtë veturë në një koleksion veturash të rindërtuara në Konektikat. Pastaj ajo është bërë pronë e koleksionistit Robin Loder nga Britania, dhe ai e ka restauruar këtë veturë para se t’ia shiste pronarit të tanishëm.
Motori hibrid i këtij Armstrongu është shumë i fuqishëm për këtë veturë, saqë i ka dëmtuar rrotat e karrocerisë. Holman Engineering në Massachusetts i ka përforcuar rrotat dhe gjithashtu ka rregulluar edhe gjëra tjera në mënyrë që këtë veturë ta sjellë në gjendje të mirë.