Komisioni i Pavarur i Kualifikimit ka publikuar datat e seancave publike dëgjimore për disa emra të tjerë të drejtësisë shqiptare.
Konkretisht, më 16 korrik do të zhvillohet seanca me anëtarin e Gjykatës së Lartë, Artan Zeneli, ndërsa më 18 korrik do të ketë seanca për prokurorin Arben Nela të Prokurorisë së Tiranës, si dhe gjyqtarin Ervin Metalla të Gjykatës së Apelit të Tiranës.
Me 17 korrik ora 13:00 do të jetë seanca dëgjimore për Antonetën Sevdari, prokurore pranë Prokurorisë së Rrethit Gjyqësor Tiranë.
Artan Zeneli është gjyqtari i katërt i lartë që thirret përballë organeve të vettingut, pasi më herët kanë dalë para KPK-së Admir Thanza, Edmond Islamaj, ndërsa këtë të premte del Tom Ndreca, në orën 15.
Trupa gjykuese për të tre këta pjesëtarë të drejtësisë do të përbëhet nga Etleva Çiftja, Xhensila Pine dhe Valbona Sanxhaktari.
a.ç
