Gjykata Kushtetuese vendosi sot rrëzimin e kërkesës së Kuvendit që kërkonte heqjen e masës së pezullimit për ligjin e Vettingut. Disa orë pas këtij vendimi, ministri i jashtëm Ditmi Bushati zhvilloi një takim me homologun e tij gjerman Frank- Ëalter Steinmeier që kishte në fokus hapat e integrimit të Shqipërisë dhe zbatimin e reformës në drejtësi.
Gjatë fjalës së tij, Steinmeier theksoi rëndësinë e zbatimit të reformës në drejtësi, e veçanërisht Vettingut.
“Miratimi i reformës është shprehje e një zhvillimi dhe e një konsolidimi të brendshëm politik dhe kjo çon në konstatimin se Shqipëria, çka nuk pritej nga shume persona në Gjermani, është shndërruar në një spirancë stabiliteti në vitet e fundit në Ballkanin Perëndimor dhe është një partner i ngushtë jo vetëm i të gjithë europianëve së bashku por edhe për Gjermaninë”, është shprehur Steinmeier.
Ministri Bushati shprehu vlerësimin për vëmendjen dhe mbështetjen e treguar nga Gjermania për integrimin e Shqipërisë në BE. “Krahas krizave me të cilat i është dashur të përballet gjatë viteve të fundit, Europa gjendet sot në një periudhë hezitimi, dyshimi dhe pasigurie. Cka ndihet edhe më tepër në Europën Jug-Lindore. Për Shqipërinë, vëmëndja dhe lidershipi i Gjermanisë në këto kohë të turbullta, përbën faktor sigurie dhe qëndrueshmërie”, është shprehur Bushati.
Më Shefi i diplomacisë shqiptare u ndal më pas në vendosmërinë dhe hapat konkrete që qeveria shqiptare ka ndërmarrë për të arritur një progres të vazhdueshëm në procesin e integrimit duke u ndalur veçanërisht në nevojën për zbatimin e ligjit të Vetting-ut dhe për të vijuar me vendosmëri në çeljen e bisedimeve për anëtarësim./a.m.
