Operacioni Ndërkombëtar i Monitorimit i ka dorëzuar këtë të premte Avokatit të Popullit listën e kandidatëve për organet e Vettingut.
Përmes një njoftimi në faqen zyrtare të delegacionit të BE në vend, ONM ka lëshuar një deklaratë ku shprehet:
Bazuar në verifikimet dhe kualifikimet për kriteret e kërkuara dy lista janë publikuar. 29 aplikantë janë rradhitur në listën e atyre që plotësojnë kriteret formale, ndërsa 164 në listën e atyre që nuk i plotësojnë këto kritere. Nga 29 aplikantët e listës së parë, 8 prej tyre kanë rekomandim negativ nga ONM.
Ka kështu 21 aplikantë që janë në garë dhe relevantë për tu çuar në votim në parlament. Nga 164 aplikantët e listës së dytë, 85 prej tyre kanë rekomandim negativ nga ONM dhe 79 jo.
Por për përfaqësuesit e ONM-së, shumë prej kandidatëve që nuk kanë plotësuar kriteret formale, do të ishte e rastit që të krijohej një mundësi e dytë.
“ONM vëren se shumë nga 79 aplikantët e listës së dytë (të atyre që nuk plotësojnëe kriteret formale) kanë të paktën në letër eksperiencë relevante profesionale, por thjesht kanë dështuar për të prodhuar disa nga çertifikimet e nevojshme. Si rezultat, komisioni ad hoc parlamentar mund të konsiderojë mundësin për të rivlerësuar edhe njëherë këta aplikantë, duke u kërkuar brenda mundësive çertifikatat e munguara.
Nëse nuk vlerësohet ky opsion nga komisioni, 21 aplikantët që kanë plotësuar kriteret janë të mjaftueshëm për të formuar organet e vettingut, dhe mundësia për vlerësimin e kandidatëve të tjerë mund të lihet në një rast të dytë, në plotësimin e vendeve që do të ngelen në isntittucionet e vettingut.”0 shkruhet në njoftimin e ONM-së.
Tashmë i takon institucionit të Avokatit të Popullit që listën e kandidatëve t’ia dërgojë Kuvendit, i cili do të bëjë përzgjedhjen e tyre përmes votimit.
Dorëzimi i kandidaturave nga ONM vjen një ditë pas takimit që shefja e këtij misioni, Genoveva Ruiz Calavera zhvilloi takime me presidentin Bujar Nishani dhe ministrin e Drejtësisë, Petrit Vasili./a.k
