Partia më e madhe e opozitës shqiptare, vijon të notojë në ‘ujëra të turbullta’ dhe shfaqet tërësisht konfuze në aksionet e saj politike.
E fundit në rradhë është edhe kërkesa e saj për vettingun e politikanëve, ku brenda harku një javor ndryshon funksionimin e këtij vettingu, por duke mos hequr dorë nga qëllimi për të shmnagur faktorin ndërkombëtar në këtë proces, si dhe përpjekjen e vazhdueshme që politikanët shqiptarë të mos jenë objekt hetimi nga SPAK dhe Byroja Kombëtare e Hetimit, por nga një trup paralalele, ku ndërkombëtarët të kenë vetëm rol mbikqyrës dhe jo vendimarrës.
Ky është edhe thelbi i 5 propozimeve të bëra pak minuta më parë nga kryetari i PD Lulzim Basha, që i ka cilësuar këto propozime si ‘rregullat kryesore për vettingun e politikanëve’.
Pika 4 e këtyre propozimeve është që vettingu i politikanëve të jetë i pavarur nga vettingu i drejtësisë, kërkesë kjo që ka të bëjë me nxjerrjen e ndërkombëtarëve nga procesi vendimarrës duke u dhënë atyre të drejtën vetëm për mbikqyrje që parashikohet në pikën 3.
Eshtë e njëjta kërkesë që PD- LSI bënin dhe gjatë hartimit të reformës në drejtësi, sa i përket vettingut, ku ishin gati të shkallmonin shtetin vetëm që ndërkombëtarët të mos ishin pjesë e vendimarrjes të përcaktuar tashmë në Kushtetutë. Avazi i vjetër në një paketë të re propozimesh.
Thelbi janë pika 3 dhe 4 ku opozita shfaqet sërisht për largimin e ndërkombëtarëve nga procesi vendimarrës. 3 pikat e tjera s’kanë asnjë rëndësi pasi janë thjeshtë retorikë politike pa asnjë vlerë.
Propozimet e Bashës
5 RREGULLAT KRYESORE TË VETINGUT TË POLITIKANËVE:
1. Vetingun e politikanëve NUK do ta bëjë politika, NUK do ta bëjë Kuvendi.
2. Struktura e vetingut do të përbëhet nga PROFESIONISTË TË PAVARUR nga politika.
3. Vetingu i politikanëve do të ketë MBIKQYRJE NDËRKOMBËTARE.
4. Vetingu i politikanëve do të jetë krejtësisht I PAVARUR nga ai i drejtësisë.
5. Vetingu i politikanëve do të jetë I THJESHTË dhe TRANSPARENT si dekriminalizimi, që nxori nga Kuvendi dhe zyrat e shtetit 333 persona me të kaluar kriminale. /ma.me/javanews.al
