Kryetarja e LSI Monika Kryemadhi deklaroi jashtë ambjenteve të parlamentit se Partia Socialiste ka rënë dakord për përfshirjen e amendamenteve të LSI në ligjin për Vettingun në polici.
Ajo tha se mbetet në pritje të votimit, duke theksuar edhe njëherë se votat do jenë pro nëse pranohen këto amendamente.
Sipas saj, policia ka nevojë për vlerësimin e figurës së punonjësve.
“Ne kemi paraqitur 19 amendamente me të cilat është rënë dakord, po ashtu janë 2 amendamente të tjera të ICITAP, që janë kërkuar të vendosen nga LSI. Situata në të cilën gjendet policia është e mjeruehsme, për shkak të implikimit të disa ish-drejtorëve tregon që Vettingu në polici është i domosdoshëm. Ne jemi në pritje të për amendamentet e LSI, nuk është asnjëlloj kapriçoje, por përpjekje për një legjislacion evropian”, deklaroi Kryemadhi./a.m.
