Mes emrave të zgjedhur bie në sy ai i ish-kryeprokurores Ina Rama, e cila rikthehet në sistemin e drejtësisë, tanimë jo për të hetuar apo për të gjykuar, por për të vendosur se cili gjyqtar dhe prokuror do të përjashtohet nga sistemi.
Rezultati i votimit, megjithëse i fshehtë, ishte i paralajmëruar për Ina Ramën, Sokol Çomon dhe Albana Shtyllen si zgjedhje e socalistëve, raporton Top Channel. Tre të tjerët janë miratuar si propozim i demokratëve. Ndërkohë, anëtari i shtatë, Rezarta Schutz, u zgjodh me short.
Ajo është një juriste e vlerësuar nga të dyja palët dhe si e tillë u votua me konsnesus disa ditë më parë që të futej në garë, duke e nxjerrë nga lista e kandidatëve që nuk plotësonin kriteret.
Procesi i votimit, siç ka ndodhur me çdo hap të rëndësishëm që ka të bëjë me vettingun, u monitorua nga ambasadorët Donald Lu dhe Romana Vlahutin, të cilët pritet të jenë edhe në përmbylljen e votimit të enjten, kur 12 deputetë të mazhorancës dhe opozitës të zgjedhin 12 anëtarët e komisionit të pavarur të kualifikimit, që është shkalla e parë vendimmarrëse e vettingut.
ma.me
