Përfaqësuesit e djathtë të Komisionit të posaçëm për reformën në drejtësi e kanë marrë draftin për ligjin e kontrollit të figurës (vetingut) që më 4 korrik 2016. Midis tyre rezulton se është njoftuar edhe deputeti demokrat Oerd Bylykbashi. Kjo dallohet nga e-maili që kanë marrë anëtarët (foto 1). Madje në email thuhet se bashkëlidhur u është dërguar edhe draftprojektligji për vlerësimin e gjyqtarëve dhe të prokurorëve. Kjo rrëzon pretendimet e demokratëve se e kanë marrë me vonesë draftin e vetingut.
Një pretendim tjetër i opozitës ka qenë se duhet pritur që të hyjnë në fuqi ndryshimet kushtetuese. Megjithatë, është precedenti i ligjit për dekriminalizimin, që u miratua me konsensus. Më 17 dhjetor 2015 u miratuan edhe ndryshimet kushtetuese foto ( 2-3) edhe ligji për dekriminalizimin (foto 4 dhe 5). Një ditë më pas, më 18 dhjetor, presidenti i Republikës, Bujar Nishani, dekretoi edhe ndryshimet kushtetuese, edhe ligjin përkatës. Pra nuk ka asnjë pengesë për diskutimin e ligjit, projekti i të cilit është edhe në faqen online të Komisionit për reformën në drejtësi.
Nga ana tjetër edhe kryetari i PD-së, Lulzim Basha, gjatë një interviste për VOA, u shpreh se PD-ja vetëm mbrëmë ka marrë draftin dhe se ajo po shqyrtohet nga ekspertët e saj. Por ndërkohë dokumenti provon të kundërtën. PD ka marrë dokumentin në fjalë që në datën 4 korrik, ndaj bien poshtë dhe pretendimet e Bashës.
ma.me
