Pas miratimit të ligjit të Vettingut, Ambasada e SHBA-ve ka reaguar, duke përgëzuar fillimisht maxhorancën qeverisëse dhe të gjithë deputetët që votuan pro ligjit për rivlerësimin e gjyqtarëve dhe prokurorëve.
Në deklaratën e saj, Ambasada amerika thekson se janë në pritje të aprovimit të plotë dhe në kohë të ligjeve të tjera që bëjnë funksionale ndryshimet e reja kushtetuese, si dhe zbatimin e kësaj reforme.
“Ambasada e Shteteve tё Bashkuara mirёpret vendimin e Parlamentit tё Shqipёrisё pёr tё miratuar ligjin e parё pёr zbatimin e reformёs nё drejtёsi. Ky ligj i rёndёsishёm do tё fillojё procesin e rivlerёsimit tё prokurorёve dhe gjykatёsve.
Pёrgёzojmё ata Anёtarё tё Parlamentit tё cilёt votuan nё favor tё kёtij hapi tё rёndёsishёm pёr zbatimin e amendamenteve kushtetuese tё aprovuara unanimisht mё 22 korrik.
Presim tё shohim aprovimin e plotё dhe nё kohё tё ligjeve tё tjera pёr zbatimin e kёsaj reforme kritike qё gёzon mbёshtetjen e shumicёs dёrrmuese tё shqiptarёve.”- shkruhet në deklaratë./java/a.k
