Shtatë persona, përfshirë një vajzë 4-vjeçare, janë vrarë gjatë sulmit izraelit në Kfar Hatta të Libanit, bëri të ditur Ministria e Shëndetit Publik të këtij vendi, raporton A2CNN.
Ushtria izraelite njoftoi se ka nisur sulme të reja ndaj infrastrukturës së Hezbollahut në Bejrut, pasi më herët këtë mëngjes kishte paralajmëruar banorët e periferive jugore të kryeqytetit libanez që të evakuoheshin menjëherë.
Ndërkohë, grupi i mbështetur nga Irani deklaron se ka lëshuar raketa drejt Izraelit verior, të cilat, sipas mediave izraelite, Forcat e Mbrojtjes së Izraelit (IDF) thonë se i kanë interceptuar.
Shkëmbimi i zjarrit vjen disa orë pasi Hezbollahu deklaroi se kishte goditur një anije luftarake izraelite pranë brigjeve të Libanit gjatë natës me një raketë. Sipas mediave izraelite, IDF tha se nuk kishte dijeni për një incident të tillë.
