Avokati i Popullit ka marrë zyrtarisht dokumentacionin e 192 aplikantëve për organet e vettingut. Por ndërsa pritej që ky institucion të shpallte rihapjen e garës, Avokati i Popullit ka nisur një procedure të re. Mësohet se pranë këtij institucioni janë ngritur dy komisione me përfaqësues nga parlamenti dhe Avokati i Popullit të cilët do të hapin 192 dosjet e kandidatëve për organet e vetingut për të kontrolluar dokumentacionin.
Vetëm pas kësaj Avokati i Popullit do të bëjë njoftimin për rihapjen e garës. Javën e kaluar parlamenti miratoi një vendim ku i kërkonte Avokatit të Popullit që 79 kandidatëve që morën vlerësim pozitiv nga Operacioni Ndërkombëtar i Monitorimit të plotësonin dokumentacionin brenda 7 ditëve. Gjithashtu Avokati i Popullit duhet të rihapte garën për aplikantët e rinj. Sipas llogarive të maxhorancës, brenda 2 javëve kandidaturat për vetingun duhet të vinin në parlament për tu votuar, por ka kaluar një javë dhe ende vendimi i parlamentit nuk ka nisur të zbatohet duke shtyrë kështu nisjen e procesit te vetingut./dritare.net
ma.me
