Ish-ministri i Brendshëm Flamur Noka, ka folur ditën e sotme lidhur me nismën më të fundit të Ministrit të Brendshëm Fatmir Xhafajt, për të bërë edhe vettingun në radhët e policisë.
Në një dalje për mediat, Noka thotë se Vettngu, duhet të nisë nga kryeministri Edi Rama dhe nga Fatmir Xhafaj.
“Prokuroria e krimeve të rënda ka konfirmuar atë që kemi thënë se: Mbjellja, trafikimi i drogës është bërë me bekim politik dhe me përfshirje të strukturave të policisë. Ka konfirmuar se në Policinë e Shtetit inkriminimi është i shtrirë gjerësisht në të gjithë strukturat policore dhe në kupolën e saj.
Ka konfirmuar se kultivimi i drogës është politik, pra i kryeministrit dhe ministrit. Vettingu i parashtruar është shoë i radhës i qeverisë. Ai duhet të fillojë me Edi Ramën, që e ka kanalizuar dhe kthyer Shqipërinë në Kolumbi të Evropës, dhe me Fatmir Xhafajn, që është hetues i komunizmit dhe me lidhje kriminale, dhe duhet të vazhdojë në të gjithë kupolën.
Nuk mund të ketë Vetting duke bërë shoë, Vetting bëhet duke i larguar të gjithë këta nga kupola politike dhe duke larguar nga strukturat e policisë të inkriminuarit. Pra, konfirmojmë se ky është shoë i radhës dhe koha do të vërtetojë se thjesht do të bëhet ndonjë gjueti parciale dhe jo Vetting”, tha Noka./a.m.
