Nga Mero Baze
Ka një përpjekje për të kthyer në debat çështjen e caktimit të Prokurorit të Përgjithshëm, të Përkoshëm. Andi Bushati në një prej editorialeve të tij, e shikon këtë si një çështje të sajuar nga rrethana politike të shumicës, dhe nuk dihet pse dhe të SHBA e Bashkimit Evropian. Për këtë ka cituar disa shpjegime të mia, se refuzimi për prokurorin e përkoshëm, është një çështje që opozita e kundërshton, pasi kërkon të shmang ndarjet brenda saj.
Meqë këtë citim korrekt, e ka vendosur gabimisht në kontekstin e një debati për Prokurorinë e Përkohshëm, dua të sqaroj dy gjëra.
E para mendoj se nuk ka debat nëse duhet apo jo një Prokuror I Përkoshëm, pasi Kushtetuta e ka të qartë që Adriatik Llalla e ka mandatin pes vjet nga nisja e detyrës dhe sot ai nuk është më kryeprokuror, por roje I zyrës së Prokurorit të Përgjithshëm. Ky është një fakt dhe nuk mund të debatojmë mbi faktet që prodhohen nga Kushtetuta e vendit.
Ndaj unë nuk kam shkruar asnjëherë rreth këtij debati dhe as marr mundimin të përfshihem në debatin, nëse duhet një prokuror I përkohshëm apo jo, pasi është njësoj sikur të përfshihem në një debat, nëse duhet të kemi kushtetutë apo jo. Ky është I vetmi debat spekulativ në këto kohë.
Prokurori I Përkoshëm parashikohet nga dispozitat kushtetuese, me përpikmëri, duke parashikuar mungesën e institucioneve të vetingut, apo KLP, ndërkohë që këtij prokurori I mbaron mandati ose e ndërpret atë.
Për këtë as kam debatuar as debatoj, se nuk jam ekspertë kushtetues.
Ajo që unë kam shkruar, ka të bëj me faktin përse opozita nuk pranon ofertën për konsesus rreth prokurorit të përkohshëm, pasi vetëm për këtë gjë mund të debatohet.
Kryeministri edhe pse I ka mundësitë ligjore që I jep kushtetuta ta zgjedh vet prokurorinë e përkohshëm, siç në fakt ka nisur ta bëj, ofroi dhe vazhdon ta mbaj hapur ofertën që opozita të përfshihet në këtë proces dhe të jap konsesusin për një prej 7 kandidaturave që kanë aplikuar dhe q ëplotësojnë krieret që ka parashikuar Kushtetuta. Këtu mendimi imë është, që Lulzim Basha nuk ofron konsues, pasi për të është më e rëndësishme aleanca me LSI, e cila nuk e do këtë prokuror, se sa përfshirja në një aleancë të re me Edi Ramën për prokurorin e përkohshëm. Dhe ka të drejtën e tij të veproj politikisht.
Ai vuan ende plagën e tradhëtisë që i ka bërë LSI më 18 maj kur u bashkua me Edi Ramën për të hyrë në zgjedhje, duke marrë mbi gjysmën e qeverisë dhe gjithë agjensitë shtetërore që konsiderohen fitimprurëse, dhe humbi keq në zgjedhje, duke mbetur edhe pa aleatë, edhe pa pushtet.
Për këtë ju desh të bënte një betejë antidemokratike brenda partisë për të rimarrë postin e kryetarit dhe të rikuperuar humbjen e pushtetit politik, me superpushtet në Partinë Demokratike. Ai vuri në pozita qesharake Sali Berishën, duke e kthyer në një avokat mbrojtës të tij, të frustruar nga ideja që mund ti shkërmoqej gjtihë partia para syve, dhe pak nga pak arriti të riafrohet me LSI.
Tani, që këtë gjë që e ka arritur me kaq mund, nuk është I gatshëm ta shkatërroj për prokurorinë e përkohshëm. Thjesht ai nuk guxon më, që për një konsesus normal politik, të sakrifikoj aleancën politike mne LSI dhe të rihumbas besimin për betejat që e presin. Dhe nuk është se nuk ka të drejt poltikisht. Sido që ta mendosh, Luzlim Bashës I duhen më shumë dy avokat të rëndisishëm si Sali Berisha e Ilir Meta, se sa një prokuror I përkohshëm që nuk do ketë kohë, as të shfletoj dosje, e jo më të veproj.
Për këtë tezë mund të debatojmë, por jo për faktin që a duhet të ketë Shqipëria prokuror të përkohshëm pas Adriatik Llallës apo jo, pasi këtë na e dikton Kushtetuta. Dhe siç ka thënë Lulzim Basha, nuk mund të bëhen pazare me të.
Së dyti është spekullim teza se shumica u kujtua për Prokuror të Përkohshëm, kur doli dosja Tahiri. Me Prokurorin e Përkohshëm, ka lidhje mbarimi I mandatit të Adriatik Llalës dhe ajo nuk ishte ngjajr e papritur, por ngjarje e mezipritur, e parashikuar në Kushtetutë. Autorët e dispozitave tranzitore për prokuror të përkoshëm, që e kanë futur në Kushtetutë, janë dhe PS dhe PD dhe LSI etj, pasi të gjithë e dinin që javën e parë të Dhjetorit do ishim pa kryprokuror.
Pra të gjithë e kemi pritur javën e parë të Dhjetorit për të përcjell Adriatik Llallën. Ajo që ndryshoi gjatë rrugës, ishte se opozita është e interesuar të jetë bashkë në këtë betejë dhe të refuzojnë bashkpunimin për Prokurorinë e Përkoshëm, pasi kanë më shumë përfitim politikë të jenë opozitë e bashkuar kundër prokurorit të ri, që nuk I dihet çfarë I kap dora nga dosjet e mykura, se sa opozitë e ndarë për një konsues të ofruar nga shumica.
Nuk është e gabuar ajo që bëjnë për interes të tyre, por nuk është e vërtet, që prokurori I përkohshëm, është një shpikje e kohëve të fundit e shumciës, e SHBA dhe Bahskimit Evropian. Sidomos e këtyre dy të fundit.
Ky është një proces kushtetues I firmosur nga PD, PS, LSI etj., process që tani ka ndarë poltikën në dy kampe, nga një anë shumicën e Edi Ramës me SHBA e BE dhe nga ana tjetër Ilir Metën me Sali Berishën . Nuk është ndonjë dramë e madhe. Është thjeshtë një zhurmë e madhe.
