Euralius dorëzoi mbrëmë në kuvend ligjin për vetingun të ripunuar bashkë me ultimatumin e SHBA-së dhe BE-së për ta miratuar nesër dhe jo në shtator.
Euralius ka përpunuar ligjin për vetingun, pas miratimit të ndryshimeve kushtetuese për reformën në drejtësi. Burime zyrtarethanë se projektligji i punuar ka mbërritur mbrëmë tek deputetët e mazhorancës dhe opozitës me qëllim që ai të miratohet në seancën parlamentare të së enjtes. Ndërkohë, PD mësohet se ka shprehur pamundësinë për ta rishikuar ligjin brenda një dite dhe më pas ta votojë të enjten.
Është fjala për Projektligjin “Për Rivlerësimin e Gjyqtarëve dhe Prokurorëve në Republikën e Shqipërisë”. Ky është një nga shtatë ligjet e reformës në drejtësi, i cili do të duhet të miratohet patjetër Brenda korrikut.
Megjithse kuvendi i shqipërisë e kishe shtyrë për në shtator miratimin e shtatë ligjeve, ky projektligj me sa dukety është i domosdoshëm të miratohet tani, brenda korrikut pasi është thelbësor për të bërë funskionale ndryshimet kushtetuese.
Bashkimi Evropian dhe SHBA i kanë kërkuar politikës shqiptare të mos shtyjë miratimine shtatë ligjeve ose të paktën njërin prej tyre duhet ta miratojë me doemos brenda korrikut.
Është me kaq rëndësi ky ligj pasi ka të bëjë me nisjen e punës për prokurorrët që do të kryejnë procesine vetingut.
Sipas projektit të ekspertëve ndërkombëtarëe, dhjetë prokurorët do të duhet të nisen për trajnim në SHBA pranë FBI-së dhe i gjithë procesi i trajnimit do të duhet të përfundojë brenda tre muajve.
Sipas parashikimit të ndërkombëtarëve, pas tranimit dhjetë prokurorët do të nisin punë në fundin e muajit tetor për të dhënë rezultatet e para të reformës në drejtësi në nëntor.
Për këtë arsye, ambasada e BE-së dhe SHBA-së ka kërkuar nga Kuvendi i Shqipërisë të miratojë shtatë ligjet brenda korrikut dhe në pamundësi për t’i miratuar të gjitha, të paktën një prej tyre duhet miratuar patjetër. Ai është ligji ku përfshihet edhe procesi i vetingun, Projektligji “Për Rivlerësimin e Gjyqtarëve dhe Prokurorëve në Republikën e Shqipërisë”.
