Komisioni i Jashtëm i Vlerësimit ka konfirmuar në detyrë Artan Shkëmbin,i cili mban detyrën si drejtor si Drejtorisë Qëndrore, në departamentin e policisë Kriminale në Drejtorinë e Përgjithshme të Policisë. Sipas KJV-së Shkëmbi rezultoi i pastër në të 3 shtyllat e vlerësimit, atë të pasurisë, pastërtisë së figurës dhe aftësive profesionale.
Artan Shkëmbi njëherësh është edhe kandidat për kreun e BKH.
Në seancën e parë dëgjimore, e cila u zhvillua më 7 shkurt, Artan Shkëmbi paraqiti prova të reja sa i takon disa problemeve të evidentuara nga KJV në dy prej shtyllave të vlerësimit atë të pasurisë por edhe të pastërtisë së figurës.
Pak ditë më parë, Komisioni i Pavarur i Kualifikimit konfirmoi në detyrë Nikollë Ricën, Drejtor i Burimeve Njerëzore, në Departamentin e Shërbimeve Mbështetëse në Policinë e Shtetit, Bujar Ahmetin, drejtori i Drejtorinë së Forcës së Posaçme Operacionale dhe Fatos Ballën, specialist në Sektorin e Hetimit në Shërbimin për Çështjet e Brendshme dhe Ankesat.
g.kosovari
