Ish-kryeministri Sali Berisha deklaroi para disa ditësh se “është vetëvrasje për opozitën nëse shkon në zgjedhje pa rrëzuar Edi Ramën”.
Lidhur me këtë këshillë të Berishës, kreu i PD Basha është pyetur nga gazetarët për qëndrimin e tij.
“Do e dëgjoni këshillën e Berishës, keni një vendim për zgjedhjet”, u pyet Basha.
“Një gjë është e sigurt, vendi nuk mund të qeveriset në Parlament nga Ballët, Xhafët, Tahirët dhe nga kryeministri i lidhur me krimin, kemi paraqitur këtë propozim politik, këtë alternativë që është detyra jonë. Tani është radha e Ramës, do ta votojë, e nëse jo, pse nuk do ta votojë.
Shqipëria do të çlirohet nga bashkëqeverisja me krimin, detyra jonë është ta bëjmë sa më shpejt dhe më faturë sa më të vogël për qytetarët”, tha kryetari i Partisë Demokratike./a.m.
