Policia e Tiranës ka vënë në pranga edhe personin e tretë të lidhur me vetëvrasjen e Besnik Pudjas në Shëngjergj, ngjarjë e ndodhur më 7 tetor. Në pranga ka rënë Halit Dusha, 37 vjeç. Sipas policisë ai dyshohet se ka patur dijeni për vetëvrasjen e Pudjas, dhe në bashkëpunim me viktimën dhe disa shtetas të tjerë janë autorë të dyshuar për kultivimin e 2889 bimëve Cannabis Sattiva, në fshatin Urë, Kollagjesh.
Mbi Dushën rëndon akuza e kultivimit të bimëve narkotike dhe moskallëzimit të krimit. Një ditë më parë u arrestuan 19-vjeçari Alges Liçi dhe 30-vjeçari Dritan Buzo, pasi gjithashtu dyshohen se kanë qënë të pranishëm në ngjarje.
