Zbardhen detaje të reja nga ngjarja e rëndë që tronditi të dielën kryeqytetin, ku një pacient 52-vjeçar i dha fund jetës në spitalin “Shefqet Ndroqi”.
Referuar burimeve brenda spitalit, gazetari Erion Skëndaj tha se 52-vjeçari mund të jetë rënduar psikologjikisht, pasi mund të ketë parë ndonjë pacient në dhomën e tij ose në dhomat afër, që ka humbur jetën nga virusi.
“I ndjeri ishte invalid, me një këmbë. Nuk është bërë e ditur nëse ai vuante nga sëmundje bashkëshoqëruese. Midis dy ngjarjeve të rënda, të parës dhe të fundit, ka një të përbashkët të madhe. Të dyja ngjarjet kanë ndodhur në kohën kur spitali kishte një mbingarkesë absolute, që do të thotë që të gjithë shtretërit janë të zënë. Gjithashtu, ka një numër të rritur të numrit të të vdekurve në spital. Burime brenda spitalit thonë se pacienti mund të jetë ndikuar nga një vdekje që mund të ketë ndodhur në dhomën e tij ose në dhomat afër”, tha gazetari për “News24”.
g.kosovari
