Lëvizja Vetëvendosja bën të ditur se që prej mbrëmjes së djeshme deri më sot janë arrestuar tetë aktivistë të kësaj lëvizje.
Në një deklaratë për shtyp të VV-së, theksohet se shumë aktivistë të tjerë po kërkohen nëpër shtëpitë e tyre. Arrestimet në prag të protestës vetëm na i shtojnë motivet dhe kërkesat e protestës.
“Protesta jonë e nesërme do të jetë masive dhe e fuqishme, kundër marrëveshjeve të dëmshme për Kosovën, kundër qeverisë që po angazhohet për instalimin e Serbisë në Kosovë. Aktivistët e arrestuar: Fatmir Kurtaj, Frashër Krasniqi, Glauk Konjufca, Kasim Uka, Kujtim Kosumi, Kushtrim Zeqiri,,Pajtim Demaj dhe Skënder Merturi”, përfundon deklarata e Vetëvendosjes.
