Lëvizja Vetëvendosja nuk do të votojë asnjë draft që dëmton vendin, por është e gatshme që të bashkëpunojë me qeverinë “Haradinaj”, nëse ajo është e vendosur të mbrojë interesin kombëtar.
“Ne vazhdimisht jemi angazhuar për mbrojtjen e interesit të Kosovës dhe këtë do ta bëjmë çdo herë. Lëvizja Vetëvendosje! nuk voton asgjë që dëmton interesin e vendit, por është e gatshme që për çështje nacionale të bashkëpunojë me qeverinë, nëse kjo e fundit është e vendosur për mbrojtjen e interesit nacional”, ka thënë Dërguti për “Epoka e Re”.
Ajo ka folur edhe për bashkëpunimin që kjo lëvizje mund të ketë me LDK-në në këtë mandate, duke shprehur gadishmërinë për bashkëpunim dhe bashkërendim me partitë opozitare.
“Edhe këtë herë shpresoj të kemi opozitarizëm të mirëfilltë e përmbajtësor dhe në mbrojtje të interesave të vendit e të qytetarëve. Edhe në dy mandatet e kaluara, edhe kur kemi qenë opozitë më e vogël, ne kemi treguar gatishmëri për bashkëpunim e koordinim.
Falë një koordinimi dhe bashkëpunimi të mirëfilltë u mundësua që në mandatin e kaluar t’i ndalim marrëveshjet e dëmshme, edhe pse kishim më pak deputetë. Tani jemi partia më e madhe në Kuvend me 32 deputetë dhe sigurisht se opozita do të jetë shumë më e fuqishme, ndaj presim që edhe LDK-ja të tregojë konstuktivitet në bashkëpunim”, ka thënë Dërguti.
a.ç
