“Edi Rama u nxori dje nostalgjikëve mallin e Enver Hoxhës”, kështu e etiketoi Partia Demokratike fjalimin e Kryeministrit Edi Rama një ditë më parë në ASamblenë e Përgjithshme të Këshillit të Europës, ku kërkoi mbështetje për një raport të ri që rrëzon pretendimet e Dick Martyt për krime lufta nga Ushtria Çlirimtare e Kosovës.
“Me të njëjtën mbipeshë, të njëjtën stërzgjatje, me gishtin e ngritur lart, madje edhe kostumin e gjerë të udhëheqësit lindor, me mendjen e tij, ai e vuri poshtë ‘kampin kapitalist’. Duke e ditur se ishte para jurisë europiane, ai u kthye vetë në prokuror dhe në gjykatës. Ai i ‘ktheu tavolinat’ në një akt prej gangsteri politik. Fjala e tij ishte një imitimit i shëmtuar, një kolazh a-historik i fjalimeve të Fidel Castros, Enver Hoxhës dhe Muamar Gedafit. Ne pamje të parë patriotik, por në esencë antishqiptar, Rama foli sikur te ishte Lukashenko i Bjellorusisë. Kryetari i një republike me rekord të zi në të drejtat e njeriut, media dhe demokraci. Në këtë kuptim i foli subkoshienca”, tha Garo.
Sipas saj, Rama turpëroi Shqipërinë si kryeministër dhe dëmtoi Kosovën në momentin më delikat të anëtarësimit të saj në Këshillin e Europës. “Foli si përfaqësues tipik, jo i një vendi anëtar por i narkoshtetit të parë dhe të vetëm ne Europë. Taktika e tij ishte e qartë: le të flasim për një çështje të cilën nuk e ndryshoj, dhe as nuk ma var njeri, për të shmangur sikletin e ballafaqimit për vendin të cilin drejtoj”.
Kujtojmë se deri më sot vetëm Partia Demokratike ka dalë kundër fjalës së Edi Ramës në KiE. Në Kosovë, edhe vetë LDK simotër e PD e mbështeti qendrimin e Shqipërisë përmes Avdullah Hotit, Isa Mustafës etj.
/a.r
Nga urrejtja për Edi Ramën, këta mohojnë edhe Atdheun…..si b…..rë të çertifikuar….
Opzitarizem ps piken e llogjikes dhe mllef qe vec antishwiptaret mund ta kene .O zot na rujt se me mbrojt vllaun qeka mekat