Autostrada Milot – Kukës – Morin, apo, siç quhet ndryshe, Rruga e Kombit që ka kushtuar rreth 1 miliard euro, është katandisur në një rrugë të zakonshme nacionale, ku tabelat për shpejtësinë e detyruar kanë zbritur deri në 50 kilometra në orë, shkruan “Koha Ditore”.
Kjo ka ndodhur, pasi Ministria e Transporteve në Shqipëri ka ulur deri në 50 për qind shpejtësinë mesatare të qarkullimit në autostradë për shkak të aksidenteve të shumta si pasojë e dëmtimit të rrugës, punimeve me cilësi të dobët dhe ndërtimeve pa leje në anë të saj.
