Kandidati republikan për president i SHBA-së, Donald Trump, ka marrë mbështetjen e ish-guvernatores së Alaskas, Sarah Palin.
Gjatë fjalimit zonja Palin u shpreh “krenare” për ta miratuar për president miliarderin, raporton BBC.
Zonja Palin ishte nominuar për zëvendëspresidente të SHBA’ve në garën e pasuksesshme të kandidatit republikan John McCain më 2008.
Ajo morri masa të mëdha pas vetes dhe vëmendjen e mediave dhe pritet që t’i bashkohet Trumpit në skenë në fushatën e tij në Iowa të martën mbrëma.
Sarah Palin tha gjatë fjalës së saj në fushatën e Trump se: “Unë jam krenare ta miratoj Donald J Trump për president të Shteteve të Bashkuara të Amerikës.
“A jeni gati për dikë që do të sigurojë kufijtë, shtëpitë tuaja e do t’ju mundësojë vende të reja pune? A jeni gati të veproni për z. Trump? Unë jam këtu për të mbështetur Presidentin e ardhshëm të Shteteve të Bashkuara, Donald Trump”, deklaroi Palin
Sipas saj, Trumpi ishte dikush që do të lejonte trupat amerikanë t’i tregonin vendin ISIS-it.
“Jemi gati për ndryshim”, vijoi ajo duke shtuar se biznesmeni është në një pozicion të përkryer për të mundësuar që Amerika të rifitojë lavdinë e saj.
Ndërkohë nga ana e tij, Trump, republikani i favorizuar nga sondazhet, tha në një deklaratë se ndihej krenar për mbështetjen e Palin. Pavarësisht largimit nga skena politike në favor të një karriere në media, Palin mbetet një zë konservator me shumë influencë.
Republikania kishte qenë guvernatore e Alaskës prej 2 vjetësh kur u zgjodh nga John Mçain për të garuar me të për Presidencën. Votuesit në Ajoua do të jetë të parët që do të shprehin vullnetin e tyre, lidhur me kandidatin e preferuar në garën presidenciale.
