Nga Eduard Zaloshnja
Në një prononcim për mediat pas takimit me kreun e Policisë së Shtetit, Gledis Nano, ambasadorja amerikane Yuri Kim u shpreh se kishte diskutuar me të edhe për rëndësinë që policia të ruajë e të rrisë besimin e publikut.
Po sa besim kanë shqiptaërt tek Policia e Shtetit?
Rreth 37% kanë besim ose besim të plotë tek Policia e Shtetit, ndërsa rreth 29% kanë deri diku besim tek ajo. Nga ana tjetër, rreth 34% kanë pak ose aspak besim tek Policia e Shtetit. Kështu rezultoi nga një sondazh i zhvilluar në terren anëekënd Shqipërisë, si pjesë e një studimi të gjerë ballkanik (sondazhi u krye para ndërrimit të drejtuesve të Policisë së Shtetit (shihni tabelën shoqëruese).
Tek votuesit socialistë, niveli i besimit është ndjeshëm më i lartë – rreth 57% e tyre kanë besim ose besim të plotë tek Policia e Shtetit, ndërsa rreth 14% kanë pak ose aspak besim tek ajo.
| SA BESONI TEK POLICIA E SHTETIT? | % | Marzhi i gabimit statistikor |
| 0.Nuk di ç’te them | 0.3 | +/- 0.02 |
| 1.Nuk i besoj aspak | 14.0 | +/- 0.8 |
| 2.I besoj pak | 19.7 | +/- 1.1 |
| 3.I besoj deri diku | 28.9 | +/- 1.7 |
| 4.I besoj | 28.3 | +/- 1.6 |
| 5.I besoj plotesisht | 8.9 | +/- 0.5 |
