Një amerikan bën një çudi në një sfilatë mode. Ai bashkon daullistë afrikanë, artistë të hip-hopit, instrumentist të koras (një version afrikan i harpës) dhe artizanet shqiptare.
Ideatori George Kingsley ka vendosur që në eventin e mbajtur në “Art Space” të përfshijë mëshumë sesa veshjet. “Art Space”, galeria moderne në qendër të qytetit amerikan Hartford, po shpalos artin e banorëve lokalë të lagjes “Asylium Hill”.
Pjesëmarrësit në këtë shoë të modës – burra, gra dhe fëmijë nga Kameruni, Kongo, Cote d’Ivoire, Gana, Iraku, Burma, Maroko, Nepali, Nigeria, Palestina, Shqipëria dhe Togo – ecën në pistën që zuri vend në këtë galeri, teksa shpalosën veshjet tradicionale të kulturave të tyre, shkruan Koha Ditore.Artistët, tregtarët dhe modelet të përfshirë në këtë ngjarje për arsye të ndryshme, të gjithë janë zhvendosur në qendër të zonës Hartford.
Organizata joqeveritare “The Hartford Preservation Alliance” ka raportuar se 30 për qind e banorëve në lagjen “Asylum Hill” përfaqësojnë 24 shtete të ndryshme dhe secili veçohet për stilin artistik dhe tradicional. Kingsley, pas bisedave që pati me njerëz nga komunitetet emigrante lokale të cilët i takoi në markete apo edhe vende të tjera në qendër të Hartfordit, angazhoi artistët.
