Kryetari i Kuvendit të Kosovës, Kadri Veseli priti sot në takim një delegacion të komunitet rom, udhëhequr nga deputeti, Kujtim Paçaku. Veseli ofroi mbështetje të plotë për komunitetin rom.
“Në vigjilje të 8 prillit, Ditës së romëve në Kosovë, kryetari i Kuvendit të Republikës së Kosovës, Kadri Veseli, priti në takim një delegacion nga komuniteti rom, të udhëhequr nga deputeti Kujtim Paçaku. Kryeparlamentari Veseli uroi mysafirët me rastin e kësaj dite, duke ofruar mbështetje të plotë për komunitetin rom, si dhe të gjitha komunitetet që jetojnë në Republikën e Kosovës”, thuhet në komunikatë.
Ndërsa, Paçaku, nga ana e tij, falënderoi kryetarin Veseli për pritjen e ngrohtë dhe rolin e tij konstruktiv e dashamirës ndaj të gjitha komuniteteve në Kosovë, si dhe përfaqësuesve të tyre në institucionet shtetërore, veçanërisht në Kuvend.
