Ditën e djeshme, Vëllai i Madh i ka dhënë mundësinë Heidit dhe Romeos të lexojnë disa prej mesazheve që fansat kanë dërguar përmes aplikacionit “Big Love”. Ndërkohë që dyshja ka marrë mesazhe të shumta nga fansat, familjarët dhe miqtë, një ndër mesazhet që ka surprizuar dhe përlotur Romeon, ishte ai i dërguar nga ish-banorja e BBV, Vesa Smolica.
“Romeo “Më prit”, që krijuam në shtëpi, vjen së shpejti. Uroj që do të të pëlqejë, më mungon, të përqafoj fort xhan”, mesazh të cilin e ka shoqëruar me ikonën e një zemre.
“Vesë, të dua shpirti, më ka marrë malli, më fal që nuk të takova më shumë në studio. Shumë faleminderit shpirti, mezi po e pres. Nuk e diskutoj që ka për të dalë shumë e bukur. Faleminderit shumë të përqafoj fort, të dua fort lali, faleminderit zemra, nxirre pa dalë unë që këtu të lutem”, u shpreh Romeo i përlotur,
Lidhur me këtë mesazh, Heidi nuk ka bërë asnjë reagim, por në vend të saj, ka zgjedhur që të shijojë pijen që mbante në dorë.
Kujtojmë që ishte Heidi ajo që e dërgoi në nominim Vesën, përball Ledjonës, Rozës dhe Franceskës. Kjo përzgjedhje e Heidit ka shkaktuar një debat të ashpër mes saj dhe Romeos, ku ky i fundit mendon se në të gjithë këtë histori, ishte ai targeti, për ta dobësuar sa më shumë në lojë. Ai madje u shpreh se që nga nata e spektalit të së shtunës, Heidin e sheh si kundërshtare.
