Në “miniqeveri” është transformuar Mbrojtja Civile. Pjesëtarët e kësaj strukture paramilitare kanë firmosur të hënën kontratat me institucionet e Kosovës dhe brenda pak ditësh do të nisin të zhvillojnë “aktivitetin shtetëror” në zyra të njëjta në veriun e banuar me serbë, ku kanë vepruar prej vitesh ilegalisht, shkruan Koha Ditore. Nëpërmjet një njoftimi për media Qeveria ka bërë të ditur se është shuar “Mbrojtja Civile” në pajtim me një marrëveshje të mbërritur në Bruksel në mars të vitit të shkuar. Saktësisht 483 pjesëtarë të kësaj strukture kanë firmosur kontratat me institucionet qendrore të Kosovës.
