Ministri Eduart Shalsi shprehet se vertet situata në të cilën ndodhet vendi është anormale, ama kriza e krijuar është e stisur pasi opozita ka dalë në rrugë me vullnetin e vet.
I ftuar në Ora News, Shalsi tha se socialistët kanë qenë vet pjesë e protestave në vitin 2009-2013, ama siç tha nuk kishte parë skena dhune mes protestuesve ashtu si ndodhi në protestën e fundit të opozitës.
‘Unë nuk do t’ja lejoja kurrë vetes që të neglizhoja protestuesit. Sepse ne kemi qenë pjesë e protestave të ashpëra 2009 – 2013.
Ajo që do doja të thoja sidomos duke parë skenat e dhunshme dhe të dhunës…
Kur po vija po shihja disa skena që nuk i kisha parë më parë dhe se si rriheshin njerëzit, nuk kisha parë rrahje ordinere dhe me kapuç të zinj që godisnin policinë’, tha Eduart Shalsi.
Beti Njuma: Unë jam gazetare dhe kam parë skena të dhunës edhe nga protestat e opozitës, kur keni qenë ju në opozitë..!
Eduart Shalsi: Nuk keni parë njerëz me kapuç të zinj, nuk keni parë mjete piroteknike, nuk keni parë goditje masive, as zënka dhe dhunime brenda protestuesve.
Mbi të gjitha këto kohë është për tu lavdëruar qëndrimi i policisë. Nuk e harrojnë shqiptarët që janë vrarë njerëz në bulevard, janë plagosur madje dhe gazetarë, për të cilat mediat nuk pasqyruan as atëherë.
Opozita ka hgyrë me vullnetin e saj në një rrugë pa krye, në një qorrsokak. Dhe të mos harrojmë po flasim për një opozitë në krye të së cilës janë disa personazhe, njëri prej të cilëve, lideri de facto i opozitës, ka në politikë prej 30 vjetësh.
Nëse mendoni se këta njerëz u provuan për 8 vjet se çfarë mund të bënin, mbetën shpresë apo mbrojtje për qytetarët e thjeshtë, prandaj themi krizë e stisur.
