Një gazetare suedeze u dëbua një ditë më parë nga Venezuela, në momentin e mbërritjes në Karakas, referuar një mesazhi të saj në Twitter, i konfirmuar si lajm edhe nga një sindikatë e gazetarëve venezuelianë.
‘’Më dëbuan pa asnjë arsye’’, shkruan Annika Rothstein përpara nisjes së avionit në kthim të ‘’Air France’’ .
Me lot në sy ajo tregon se i ishte marrë pasaporta.
‘’Annika Rothstein, e cila kishte punuar në Venezuelë si gazetare, u ndalua pak përpara se të zbriste nga avioni në Karakas, nga katër ushtarë për t’u marrë më pas në pyetje’’, pohon për median Marco Ruiz, sekretari i përgjithshëm i Sindikatës Kombëtare të Punonjësve të Medias të Venezuelës (SNTP).
‘’Është një veprim i përsëritur. Ata nuk japin asnjë shpegim’’, pohon ai.
”Unë besoj se ky incident u shënua nga fakti se Annika nuk kishte vizë pune, por mungesa e vizës nuk duhet të çonte automatikisht në dëbimin e saj”, theksoi ai.
/a.rada
