Institucioni i Presidentit shprehet se brenda javës do të publikohet edhe një qendrim mbi gjetjet e Komisionit të Venecias. Edhe pse kjo e fundit u shpreh në draft se Ilir Meta e ka shkelur Kushtetutën, Presidenca këmbëngul se kreu i shtetit ka bërë një mbrojtje të shkëlqyer të saj.
Lajmin e konfirmon zëdhënësi i Metës, Tedi Blushi, i cili shkruan në Facebook:
Brenda javës institucioni i Presidentit të Republikës do të bëjë publik për opinionin vendas dhe ndërkombëtar Raportin e tij për Draftin e Opinionit të Komisionit të Venecias, gjithmonë në vazhdim të transparencës dhe rëndësisë së çështjes në fjalë, që meriton vetëm shterim kushtetues, ligjor, profesional dhe faktik, larg çdo ndikimi politik dhe të dyshimtë.
ZERO SHKELJE TË KUSHTETUTËS!
MBROJTJE E SHKËLQYER E KUSHTETUTËS!
MBROJTJE E SHKËLQYER E KONVENTËS EUROPIANE TË TË DREJTAVE TË NJERIUT!
MBROJTJE E SHKËLQYER E VENDIMIT TË GJYKATËS SË STRASBURGUT PËR TË DREJTËN E ZGJEDHJES!
MBROJTJE E SHKËLQYER E DETYRIMEVE LIGJORE QË KA SHQIPËRIA NGA MARRËVESHJA E STABILIZIM ASOCIMIT ME BASHKIMIN EUROPIAN!
/a.r
