Karabinieria e Venecias në Itali ka goditur një bandë trafikimi droge, e cila drejtohej nga shqiptarë.
Operacioni i forcave speciale nisi që në orët e para të mëngjesit të datës 11 dhjetor, bastisi të gjithë zonën e Spineas, e cila ishte shndërruar në vend trafikimi marijuane dhe kokaine nga shqiptarët.
Hetimet disa mujore të policinë së Venecias identifikuan se në krye të kësaj organizate kriminale ishin dy të rinj shqiptar, vëllezërit Pjeter Salca, 27 vjeç, dhe Vatë Salca 23 vjeç, të cilët jetonin në Spinea.
Operacioni disaorësh përfundoi me arrestimin e dy të rinjve shqiptarë, të cilët jo vetëm, që trafikonin drogë, por ishin shndërruar në tmerr për “klientët” e tyre.
Ata kërcënonin se në qoftë se nuk paguhej menjëherë malli i dhënë prej tyre, do të përdhunonin fëmijët dhe të gjithë familjen para syve.
BW
