As pandemia dhe as Brexit nuk i kanë reduktuar shpenzimet në merkaton e Premier League. Kësaj vere, në të cilën u rikthye normaliteti, liga angleze, e etur për nënshkrime dhe me një portofol plot falë milionave televizive, theu të gjitha rekordet: shpenzoi 2.178 miliardë euro në merkato, sipas të dhënave nga “Transfermarkt”.
Një rekord i ri në këtë drejtim, që zhbëri atë të vebndosur në sezonin 2017-2018 me 1.617 miliardë euro. Gjithashtu parakaloi 1.678 miliardë eurot e shpenzuara vitin e kaluar (1.337 miliardë në tregun e verës).
Disa të dhëna tregojnë “muskujt” e futbollit. Nga 10 skuadrat që kanë investuar më shumë te futbollistët, shtatë (Chelsea, 279 milionë euro), Manchester United (238), West Ham (182), Tottenham (170), Nottingham Forest (162), Manchester City (139) dhe Wolverhampton (137) janë anglezë.
Vetëm Barcelona (153 milione euro), PSG (147.5) dhe Bayern Munich (137.5) hyjnë në këtë listë. Dhe tri skuadra të tjera (Newcastle, Arsenal dhe Leeds) kaluan gjithashtu 100 milionët (136, 132 dhe 105.6). Këto janë 10 klubet me mbi 100 milionë të shpenzuara në merkato. Shpenzimet e kombinuara të ligave të tjera kryesore janë pothuajse të njëjta me kampionatin britanik.
Chelsea komandon tregun. Blutë e Todd Boehly kanë “thyer bankën” kësaj vere, duke shpenzuar 279 milionë euro për nënshkrime të reja. Ata kanë mbyllur vrimën e krijuar nag largimet falas të Rüdiger (Real Madrid) dhe Christensen (Barcelona) me Fofana (Leicester, 80.4 milionë euro), Koulibaly (Napoli, 38) dhe Cucurella (Brighton 65.3).
Po kështu ka marrë për sulmin Sterling (Manchester City, 56.2). Ermat e tjerë që mbërritën në “Stamford Bridge” kësaj vere janë: Chukwuemeka (Aston Villa, 18), Slonina (Chicago, 9.09). Pra, shumë ardhje, me konfirmimin e vonë të Aubameyang (Barcelona, 12) dhe ardhja e Zakarias në huazim.
Pesë klubet që kanë shpenzuar më shumë në Premier League:
1. Chelsea: 279 milionë euro
2. Manchester United: 238 milionë euro
3. West Ham: 182 milionë euro
4. Tottenham: 170 milionë euro
5. Nottingham Forest: 162 milionë euro
Pesë blerjet më të shtrenjta në Premier League:
1. Antony (Manchester United): 100 milionë euro
2. Fofana (Chelsea): 80.4 milionë euro
3. Darwin Núñez (Liverpool): 75 milionë euro
4. Casemiro (Manchester United): 70 milionë euro
5. Isak (Newcastle): 70 milionë euro
