Nga Muhamed Veliu Top-Channel
Top-Channel ka mësuar nga një burim se tashmë është vendosur data se kur kancelaria Angela Merkel do të vizitojë Shqipërinë.
Është data 8 Korrik 2015.
Ardhja e kancelares Merkel e con në dy vizitën e një kancelari në vëndin tonë pas asaj të vjetës 1999 kur Tiranën e vizitoi kancelari Gerhard Schröder, 12 vjet pasi u lidhën marrëdhënie diplomatike midis Republikës Federale të Gjermanisë dhe Shqipërisë.
Kjo vizitë e zonjës së hekurt të Europës do të ketë dy dimensione. Atë në rrafshin politik dhe ekonomik.
Ardhja e Merkel në Tiranë do të shënojë takimin e tretë me kryeministrin Rama pas atyre dy të parëve në Berlin vitin e shkuar.
Gjermania e cila vitet e fundit ka rikthyer vëmendjn nga Ballkani, e sheh Shqipërinë si një partner të rëndësisëm gjeo-politik në rajon.
Ky takim gjithashtu në rrafshin ekonomik do të jetë një mundësi e mirë për ti bërë një minibilac arritjeve të deritanishme dhe cuarjen më përpara të angazhimeve që u morën në Konferëncën Rajonale në Berlin Gushtin e shkuar.
Rama dhe Mekel në takimin e tyre do të shikojnë edhe mundësinë e intensifikimit të mardhënieve ekonomike mes dy vëndeve.
Kancelaria Merkel pritet të vizitojë edhe Serbinë ndërkohë që vizita në 9 Korrik në Bosnjë duket se është anulluar.
Kjo vizitë e Merkel në Rajon shihet edhe si një tjetër hap I përkujdesjes të shprehur nga kancelarja për Ballkanin I cili tradicionalisht në të shkuarën ka qenë pjesë e influencës ruse.
Në Konferencën e Berlinit me liderat e rajonit zonja Mekel do të deklaronte.
“Në terma afatgjatë ne duam që Ballkani Perëndimor të antarësohet në Bashkimin Europian. Është në intersin tonë të përbashkët ekonomik, politik dhe strategjik”.
Agjensia Bloomberg jep këtë shpjegim për afrimitetin e Merkel me Ballkanin.
“Gjermanët e kanë trajtuar zbehtas rajonin e Ballkanit pasi trupat naziste pushtuan ish Jugosllavinë gjatë luftës së dytë botërore. Kjo tani ka ndryshuar pasi Mekel dhe Putin kanë dhënë sinjale të një konfrontimi të gjatë për Ukrainën me ngjashmëri nga Lufta e Ftohtë.
Ardhja e Merkel në Rajon nuk mund të përkufizohet aspak si një kthim vizite liderave të rajonit që u mblodhën në Berlin por në perspektivën afat gjatë kjo vizitë merr një rëndësi të vecantë në aspektin gjeopolitik përfshi mesazhet që kancelarja do të përcjellë në Tiranë dhe Beograd , vënde aspirante për tju bashkuar Bashkimit Europian.
