Disa prej emrave më të mëdhenj të do të bojkotojnë rrjetet sociale për 24 orë si shenjë proteste për abuzimet raciale. Pas disa incidenteve ndaj lojtarëve të Premier League, Shoqata e Futbollistëve Profesionistë ka vendosur të bojkotojë Twitter, Facebook dhe Instagram nga ora 21:00 e së premtes deri në orën 21:00 të shtunën.
“Futbolli ka një problem me racizmin,” shprehet mbrojtësi i Anglisë dhe Tottenham Danny Rose. “Nuk dua që lojtarët e së ardhmes të përjetojnë ato momente negative që kam përjetuar unë gjatë karrierës time.”
Në fillim të javës, kapiteni i Manchester United Ashley Young është abuzuar në rrjetet sociale pas eliminimit nga Barcelona në Champions League. Edhe kapiteni i Watford Troy Deeney ka qenë viktimë e thirrjeve raciste në Instagram në fillim të muajit kur shënoi golin e fitores në gjysmëfinalen e FA Cup.
