Pas vendimit të GJKKO-së për dënimin me dy vite burg të kryetarit të zgjedhur të bashkisë së Himarës, Fredi Belerit, mediat greke e konsideruan këtë vendim si të paprecedentë.
Sipas mediave greke, GJKKO merr vendime politike me urdhër të Kryeministrit Edi Rama.
““Misioni u realizua”! Gjykata shqiptare e SPAK-ut, pas një procesi të paprecedentë, edhe për standardet shqiptare, të montuar, aktakuza e të cilit ishte rrëzuar që në ditën e parë, kreu mandatin politik të Edi Ramës dhe shpalli dënimin e kryetarit të Bashkisë së Himarës, Fredi Belerit, me dy vjet burgim”, thuhet në artikull.
Sipas mediave greke, dënimi i Belerit ishte i paracaktuar dhe se Kryeministri Rama nuk hezitoi në asnjë moment që të zbatonte planin e tij.
Artikulli ndalet më tej te indiferenca e SHBA-ve dhe BE-së për çështjen “Beleri”, presioni i Athinës zyrtare dhe ngritja e pengesave për integrimin europian të Shqipërisë dhe betimi i kryetarit të zgjedhur të bashkisë së Himarës. Në lidhje me këtë të fundit, në artikull theksohet se Rama kërkon që të shpallë zgjedhje të reja në Himarë dhe të fitojë kandidati që ai do propozojë.
“Fredi Beleri normalisht do të duhet të lirohet më 12 shtator, pasi deri atëherë ai në thelb do të ketë kryer dënimin duke e matur dënimin me masën e paraburgimit, por dënimi që do të rëndojë në dosjen e tij kriminale do të ketë sjellë shkarkimin e tij nga detyra e kryebashkiakut.
Ankimi që avokatët e tij do të bëjnë nuk pritet të shqyrtohet para muajit qershor, ndaj edhe nëse i ulet dënimi, pasi rrëzimi i vendimit nuk konsiderohet i mundshëm, lirimi i tij nga burgu vetëm do të përshpejtohet, pasi ka humbur përfundimisht postin e kryetarit të Bashkisë Himarë.
Kështu, Edi Rama duket se po e fiton lojën dhe, me gjithë shkeljet flagrante të çdo koncepti të shtetit ligjor, do të arrijë lirimin e Fredi Belerit nga Bashkia Heimarra të cilin dëshiron ta mbajë nën kontroll për t’u shërbyer interesave që janë pranë kryeministrisë dhe janë të interesuara për “zhvillimin e turizmit” të Himarës.
Dënimi i Belerit ishte i paracaktuar dhe Rama nuk hezitoi asnjë moment të zbatonte këtë plan të pacipë, duke llogaritur indiferencën ndaj kësaj çështjeje të BE-së dhe SHBA-së, pasi të vetmet reagime erdhën nga Athina, e cila ka ngritur pengesa drejt rrugës evropiane të Shqipërisë”, thuhet në artikull.
/a.r
