Ish-deputeti i dënuar Mark Frroku do të ushtrojë të drejtën e votës më 25 qershor, edhe pse qendrën e votimit do ta ketë në burg. Dritan Dajti heq dorë në moment të fundit nga kërkesa drejtuar Gjykatës, për të votuar.
Jo të gjithë të dënuarit e kanë të drejtën për të votuar, pasi sipas ligjit të dekiminalizimit që ka miratuar Kuvendi i Shqipërisë, të dënuarve për vepra të rënda penale, i mohohet e drejta për të votuar në zgjedhje.
Në Gjykatën e Tiranës kanë qenë 81 të dënuar që kanë kërkuar të bëhen pjesë e votimit. 53 janë në gjykim. 25 kërkesa janë pranuar, një është për kthim aktesh, një është rrëzuar dhe një kërkesë është pushuar.
Ishte i dënuari për vrasjen e policëve, Dritan Dajti, i cili hoqi dorë në moment të fundit nga kërkesa e tij për të votuar në zgjedhjet parlamentare të së dielës, më 25 qershor.
Ndërsa Gjykata ka shqyrtuar kërkesën e bërë nga Mark Frroku, ish-deputet i Kuvendit të Shqipërisë i dënuar për fshehje të pasurisë. Vendimi është në favor të tij, dhe Mark Marku do të votojë në burgun 302, në qendrën e votimit numër 1967.
