Qeveria ka marrë një tjetër vendim të rëndësishëm, për lehtësimin e qytetarëve dhe burokracisë lidhur me dokumentet që u nevojiten për shërbime dhe kërkesa të ndryshme.
Pasi ka lehtësuar shqiptarët nga tërheqja e certifikatave, pasi njoftoi marrjen e vërtetimit të lejeve të drejtimit në mënyrë online, zëvendëskryeministrja Senida Mesi ka njoftuar vendimin më të fundit të kabintetit Rama 2.
“Tashmë do të merren online edhe kopjet e kartelave të pasurisë dhe kopjet e fragmentit të hartës kadastrale. Online do të merren edhe vërtetimet e pronësisë, barra e vërtetimeve i kalon punonjësve të administratës që nëpërmjet portalit ‘E albania’ i marrin vete duke cliruar qytetarin nga ky proces”- tha ajo.
Ajo u kujtoi shqiptarëve se janë të çliruar nga detyrimi për tërheqje certifikatash dhe u kërkoi të refuzojnë cdo kërkesë për certifikata që mund t’u bëhet nga punonjës të ndryshëm të administratës.
Duke theksuar se gjithçka është në proces, ajo kërkoi mirëkuptimin e shqiptarëve bashkë me një falje për ndonjë problematikë që mund të hapsin gjatë procedurave online.
a.ç
