Pas aksidentit dhe pas pamjeve horror të transmetuara nga mediat, secili prej nesh mund bëjë pyetje e të nxjerrë po kështu përfundime për ngjarjen. Dhe në këtë përsiatje, na del përpara një vendim gjykate, i cili paska dënuar kriminelin e sotëm para një viti. I njëjti shkelës ligji, para një viti është arrestuar nga policia për tejkalim shpejtësie në rrugë dhe më pas, edhe për tentativë korrupsioni, ndaj punonjësve të policisë.
Çështja paska vajtur në gjykatë dhe prokurori, për çështjen e korrupsionit ndaj zyrtarëve publikë, paska kërkuar 9 muaj burg. Kodi penal parashikon 6 muaj deri në 3 vjet!
Gjykata, në një vendim 7 faqesh, tjerr e stërtjerr një shtëllungë leshi me fjali plot me gabime logjike, juridike, gjuhësore, dhe në fund e dënon kanibalin e sotëm me vetëm 40 orë punë pa shpërblim gjoja për interes publik!
Por nëse gjykata do të kishte qenë korrekte dhe t’u përmbahej ligjeve duke bërë drejtësi, krimineli i sotëm nuk do të mundej të vriste me dashje një nënë dhe të plagoste përjetësisht dy fëmijët e saj. Pikërisht mosdënimi i krimit, ka sjellë këto pasoja tragjike në jetën e shtetasve shqiptarë.
Gjykatës të tillë që e përdhosin drejtësinë, nuk duhet të jenë pjesë e sistemit të drejtësisë. Ata janë bashkëfajtorë në krim, palë me kriminelët dhe pavarësisht se drejtësia e përdhosur shqiptare nuk i penalizon, ata kanë marrë përjetë dënimin moral nga shoqëria si mëkatarë të përjetshëm.
Dhe nuk ka sesi të jetë ndryshe kur sheh se niveli i kriminelit me 9 klasë është i njëjtë me nivelit artikulues të gjyqtarit që ka dhënë këtë vendim, ku gjen gabime gjuhësore në çdo fjali dhe ku shkronjat “ë” dhe “ç” nuk ekzistojnë fare.
Po kështu, të fandaksur pas parasë, ata nuk dinë se ç‘shkruajnë apo ç‘shqiptojnë, pasi në fillim të vendimit thonë se kanë qenë 500 lekë rryshfet, ndërsa më poshtë, e 10fishojnë shifrën duke e bërë 5000 mijë lekë./Tema
Ua te rrente nje pike ty qe e ke shkruar kete. Nuk paske gjetur tjeter arsye nga te kapesh po tek e-te dhe tek c-te. Si njerezit qe ngasin makina, si kembesoret duhet t’iu permbahen rregullave te qarkullimit. Pakujdesia e njerit apo e tjetrit, mund te shkaktoje fatalite si rasti ne fjale, qe mund te shmangen, nese te dyja palet jane te kujdesshme. Kembesoret duhet te ecin ne vijat e bardha, vetem pasi semaforet jane kthyer ne ngjyre ‘te kuqe’. Kalimtaret ne Tirane, apo edhe ne rrethe te tjera, ecin para makinave duke folur neper telefona, shume here pa e kthyer kohen fare. Nuk ka faj as gjykata, as qeveria, thjesht njerezit qe duhen te kujdesen per jeten e tyre.