Artan Alimuçaj djali i ish-bosit të VEFA-s, Vehbi Alimuçaj do të qëndrojë në burg për të shlyer dënimin e dhënë ndaj tij për pastrim parash. Këtë e ka vendosur Gjykata e Lartë e cila ka rrëzuar kërkesën e Artan Alimuçajt për pezullimin e dënimit penal dhënë nga Gjykata e Shkallës së Parë lënë në fuqi më pas edhe në apel për ekzekutim.
Artan Alimuçaj është dënuar me 4 vite burg ndërsa paraditen e 6 korrikut ai u arrestua nga Policia e Tiranës dhe tashmë ndodhet në qeli. Sipas dënimit të Gjykatës dhe hetimeve të Prokurorisë, Artan Alimuçaj është përgjegjës për pastrimin e 1 milion dollarëve, por në një reagim të pak ditëve më parë për Report Tv bashkëshortja e Artanit deklaronte se pas arrestimit qëndron ish bosi i VEFA-s, Vehbiu i cili ka ndikuar që t’i arrestohej i shoqi.
ma.me
