Kreu i grupit Parlamentar të PS-së, Taulant Balla në një dalje për mediat i bëri thirrje opozitës që të ulen në një tryezë për të miratuar ndryshimet për disa ligje që lidhen me reformën në drejtësi. Ai tha se opozita për maxhorancën në Kuvend është Partia Demokratike.
Ndër të tjera ai u pyet dhe për zgjedhjen e Avokatit të ri të Popullit, si dhe për kërkesën e bërë nga ish-kryeministri Sali Berisha, që të vendoset votimi i detyrueshëm për shtetasit shqiptarë.
bëj thirrje komisionit të ligjeve që të përmbyllë procesin e vlerësimit dhe më pas vetë kandidatët të kërkojnë mbështetjen me 28 firma. Opozita të heqë dorë nga mbështetja e 10 kandidatëve me 28 firma. Natyrshëm kush do zgjidhet Avokati i Popullit duhet të ketë mbështetjen dhe të PS-së. E rëndësishme është që Avokati i Popullit të mos jetë i angazhuar politikisht, të mos jetë aktiv në jetën politike, të vijë nga jurisprudenca. Të jetë i baraslarguar nga palët. Duhet që në Kodin Zgjedhor të ndryshojë dhe formula e ndarjes së mandateve.”, tha Balla.
Ndërkohë sa i takon votimit të detyrueshëm, Balla u shpreh: Këto propozime të shqyrtohen të gjitha në komisionin e posaçëm të Reformës Zgjedhore, të gjithë kemi rënë dakord që ky komision të mblidhet dhe të marrë në shqyrtim të gjitha propozimet.