51 persona janë riatdhesuar brenda 24 orëve të fundit pasi kanë shkelur afatet e qëndrimit në zonën shengen, gjithashtu 35 personave ju është refuzuar lëvizja në zonën shengen për shka kse nuk plotësojnë kushtet.
Për njërin prej të deportuarëve, 57-vjeçarit S. D. ka nisur provcedim penal për “Braktisje të Fëmijës”, pasi në datën 13 janar 2018 ka dalë nga porti i vlorës me djalin 17 vjeçar dhe është kthyer në Shqipëri pa të. Policia e Shtetit ka bërë thirrje sërish për të respektuar rregullat e lëvizjes në zonën Shengen, pasi në të kundërt do të ndëshkohen.
Njoftimi i Policisë
Policia e Shtetit vijon punën për parandalimin e fenomenit të migracionit të paligjshëm.
Gjatë 24 orëve të fundit nga Policia Kufitare janë riatdhesuar 51 shtetas shqiptarë, të deportuar.
Gjithashtu u është refuzuar dalja 35 shtetasve shqiptarë, pasi nuk përmbushnin kushtet për të lëvizur në zonën Shengen.
Për shtetasin me iniciale S.D., 57 vjeç, janë referuar materialet në Prokurori për veprën penale të “Braktisjes së fëmijës”, pasi në datën 13 janar 2018, ka udhëtuar nga Porti i Vlorës në drejtim të Italisë së bashku me djalin 17 vjeçar dhe është kthyer në Shqipëri një ditë më parë, pa të.
Policia e Shtetit është e vendosur të respektojë legjislacionin kundër migracionit të parregullt. Policia e Shtetit u bën thirrje qytetarëve të respektojnë rregullat e lëvizjes së lirë, pasi në të kundërt do të ndëshkohen sipas ligjeve në fuqi.
ma.me
